Wed. May 18th, 2022

ትናንት በአሶሳ ከተማ ባለቤቱ ያለታወቀ አንድ ተሣቢ መኪና የጦር መሣሪያ ተይዟል በሚል የተናፈሰው መረጃ ከእውነት የራቀ ነው፦ የክልሉ ፖሊስ ኮሚሽን

Benishangul Gumuz Police Commission

ትናንት በአሶሳ ከተማ ባለቤቱ ያለታወቀ አንድ ተሣቢ መኪና የጦር መሣሪያ ተይዟል በሚል የተናፈሰው መረጃ ከእውነት የራቀ መሆኑን የክልሉ ፖሊስ ኮሚሽን አስታወቀ
በጉዳዩ ዙሪያ ከክልሉ ፖሊስ ኮሚሽን የተሠጠው ሙሉ መግለጫ ይህ ነው።
ሚያዚያ 14 ቀን 2013 ዓ/ም በአሶሳ ከተማ ባለቤቱ ያልታወቀ አንድ ተሳቢ መኪና ሙሉ ጦር መሳሪያ እንደጫነ ተይዟል በማለት ያልተረጋገጠና ከእውነት የራቀ የውሸት መረጃ ከአንዳንድ የማህበራዊ ሚድያ ተጠቃሚዎች ተመልክተናል።


እነዚህ ማህበራዊ ሚድያ ተጠቃሚዎች ማንነታቸውን ደብቀው ድብቅ አጀንዳ በሚያራምዱ ግለሰቦች መረጃውን በማሰራጨት ህብረተሰቡን በማደናገርና በከተማው ያልተፈለገ ግርግር ለመፍጠር የታሰበ እንደሆነ ለመረዳት ይቻላል።


ሆኖም ወደ ከተማው ገባ የተባለውን ተሽከርካሪ ፈትሾ ማረጋገጥ አስፈላጊ በመሆኖ የአሶሳ ከተማ አስ/ር ፖሊስ አባላት የንብረቱ ባለቤቶች ባሉበት ፍተሻ ሲያደርግ በመኪናው ውስጥ የነበረው በህጋዊ መንገድና ህጋዊ ሰውነት በፌደራል ተሰጥቶት የገባ የወርቅ ማሽን ሲሆን የማሽኑን ህጋዊነት የሚያሳይ ሰነድ ይዘው መገኘታቸው ተረጋግጧል።


ስለሆነም ህብረተሰቡ ምንጩ የማይታወቅና ያልተረጋገጠ መረጃ ይዘው ለማወናበድና የከተማውን ነዋሪ ወደ አልተፈለገ ሽብር ለመውሰድ የሚንቀሳቀሱ የማህበራዊ ሚድያ ተጠቃሚዎችን በመለየት እራሱን እንዲጠብቅ የክልሉ ፖሊስ ኮሚሽን በዚህ አጋጣሚ መልዕክቱን ያስተላልፋል።

 210 total views,  1 views today

By Chala Dandessa

Name: Chala Dandessa. I was born in West Shewa Zone, Chobi District of Oromia Region, Ethiopia in 1989. Founder of Ethiopians Today Website Currently I am Lecturer at Jimma Teachers College. Peace and Unity for our country! https://ethiopianstoday.com

Leave a Reply

error: Content is protected !!
%d bloggers like this: