Tue. Jul 16th, 2024

በአማራ ክልል ጥቃት ሲፈጸም የጸጥታ መዋቅሩ አስቀድሞ ሊያውቅና ሊከላከል ያልቻለበት ምክንያት እየተመረመረ ነው – አቶ አገኘሁ ተሻገር


ሰሞኑን በአማራ ክልል ጥቃት ሲፈጸም የጸጥታ መዋቅሩ አስቀድሞ ሊያውቅና ሊከላከል ያልቻለበትን ምክንያት እየመረመረ መሆኑን የክልሉ ርዕሰ መስተዳድር አቶ አገኘሁ ተሻገር ገልጸዋል።

ርዕሰ መስተዳድሩ ጉዳዩን አስመልክተው ዛሬ ማምሻውን በአዲስ አበባ ጋዜጣዊ መግለጫ ሰጥተዋል፡፡

በመግለጫቸውም በጥፋቱ አመራሮች መሳተፋቸው ጥቆማ ስለመጣ የማጣራት ስራው እየተከናወነ ነው ብለዋል።

ማንነትን መሰረት ባደረጉት ጥቃቶች የደረሰው የጉዳት መጠንም በቀጣይ ይፋ ይደረጋል ነው ያሉት።

ጥቃቱን ተከትሎ በክልሉ የተለያዩ ከተሞች የተደረጉ ሰላማዊ ሰልፎች ከጥቂት ጉድለቶቻቸው በቀር የአማራን ህዝብ ክብር የመጠኑና ጨዋነትን የተላበስሱ እንደነበሩም ነው ርዕሰ መስተዳደርሩ በመግለጫቸው ያስረዱት።

ሰልፎቹ ላይ የተሳሳተ መልዕክቶችን ለማስተላለፍ ጥረት መደረጉንና በዛሬው ዕለትም በባህርዳር ዝርፊያ እና የንግድ አገልግሎት የመዝጋት ሙከራዎች መደረጋቸውን ተናግረዋል።

የባህርዳር ወጣቶች ከፀጥታ ኃይሉ ጋር በትብብር በመስራቱ የከተማዋ እንቅስቃሴ ወደነበረበት መመለሱንም ገልጸዋል፡፡

ጥቃቱ በሠለጠና በተደራጀ ኃይል የተፈጸመ ነው ያሉት ርዕሰ መስተዳድሩ አካባቢውን ወደ ነበረበት ለመመለስ በተሠራው ስራ አሁን ላይ የተረጋጋ ሁኔታ መፈጠሩን በመግለጫቸው አስረድተዋል።

FBC (Fana Broadcasting Corporate S.C.)


Discover more from ETHIOPIANS TODAY

Subscribe to get the latest posts sent to your email.

By Chala Dandessa

I am Lecturer, Researcher and Freelancer. I am the founder and Editor at ETHIOPIANS TODAY website. If you have any comment use caalaadd2@gmail.com as email contact. Additionally you can contact us through the contact page of www.ethiopianstoday.com.

Leave a Reply